Երևանի կենտրոնում գտնվող երկհարկանի առանձնատանը տասնյակ տարիներ իրենց ընտանիքներով ապրել և ստեղծագործել են հայկական կերպարվեստի երկու խոշոր վարպետներ` քանդակագործ Արա Սարգսյանը (1902-1969) և նկարիչ Հակոբ Կոջոյանը (1883-1959): Հետագայում առանձնատունը վերածվել է տուն-թանգարանի: Արա Սարգսյանի արվեստի բաժնում ներկայացված են ստեղծագործություններ քանդակագործի ընտանիքին պատկանող հավաքածուներից. ուսանողական շրջանի աշխատանքների լուսանկարներ, հուշաձեռագրային նյութեր: Այստեղ կարելի է ծանոթանալ նաև արվեստագետի թատերական ձևավորումներին ու գրաֆիկական գործերին: Շենքի երկրորդ հարկում ներկայացված են Հակոբ Կոջոյանի ստեղծագործությունները, հուշաձեռագրային փաստաթղթերն ու անձնական իրերը: Առավել նշանակալից է Հակոբ Կոջոյանի ներդրումը գրաֆիկայի ասպարեզում: Հիանալի իմանալով հայկական միջնադարյան մանրանկարչությունը և տիրապետելով այդ եղակի արվեստի գաղտնիքներին՝ նա ստեղծագործաբար կիրառում էր դրա օրնամենտալ մոտիվներն իր գրքային նկարազարդումներում, հատկապես հեքիաթներում:
Պուշկինի փող. 70
Երևան 0002, Հայաստան
+374 10 56-11-60
www.gallery.am
Աշխատանքային օրեր
Երեքշաբթի-շաբաթ՝ 11:00 - 17:00
Կիրակի՝ 11:00-16:00
Հանգստյան օրեր
Երկուշաբթի
Ամանորյա տոնական օրերին
թանգարանը փակ է՝
30.12.2019 - 07.01.2020:
© 2023 Global Colibri ՍՊԸ. Բոլոր իրավունքները պաշտպանված են
