ԵՐԵՎԱՆ ՔԱՐՏ

Am top ico 790ef1042c6012c41e945fd26466036c5260c07c47f0353b86f1ae8bf8beba96
Ինչ է ներառված / Թանգարաններ Երևանում / ԱՐԱՄ ԽԱՉԱՏՐՅԱՆԻ ՏՈՒՆ-ԹԱՆԳԱՐԱՆ
Unlimit 73633eb853bda75f3657f24108c4ea643f78822932800e5392957a2c86ad0a44

Խաչատրյանը 20-րդ դարի նշանավոր հայ կոմպոզիտորն է, ինչպես նաև հայկական առաջին բալետի, սիմֆոնիայի, կոնցերտի և ֆիլմի երաժշտության հեղինակը:  Դմիտրի Շոստակովիչի և Սերգեյ Պրոկոֆևի կողքին նրա անունը մշտապես նշվել է որպես խորհրդային ժամանակաշրջանի երեք մեծագույն կոմպոզիտորներից մեկը, իսկ 1957 թվականին Time ամսագիրը մեծանուն կոմպոզիտորներին անվանեց «Խորհրդային Միության երեք ժամանակակից հսկաներ»: Աշխարհում ամենաշատ կատարվող ստեղծագործություններից է Արամ Խաչատրյանի ‹‹Գայանե›› բալետից ‹‹Սուսերով պարը››, որն էլ մեծ հռչակ է բերել կոմպոզիտորին:

Արամ Խաչատրյանի տուն-թանգարանը հիմնադրվել է մեծանուն կոմպոզիտորի առանձնատան հիման վրա, ուր Հայաստան այցելելիս հանգրվանել է ‹‹Սպարտակ›› և ‹‹Գայանե›› բալետների աշխարհահռչակ հեղինակը, աշխատել այստեղ, հյուրեր ընդունել:  Գոյության ընթացքում թանգարանում հավաքվել են ավելի քան 18.000 արժեքավոր առարկաներ՝ լուսանկարներ, նամակներ, գրքեր, նոտային ձեռագրեր, ստեղծագործությունների տարբեր հրատարակություններ, ֆիլմեր, ձայնագրություններ, անձնական իրեր, փաստաթղթեր, ազդագրեր, բուկլետներ: Հուշատանը և 10 ցուցասրահներում ներկայացված բազմազան և բազմաբովանդակ ցուցանմուշները այցելուներին ծանոթացնում են Ա.Խաչատրյանի` հետաքրքիր իրադարձություններով լի կյանքին ու ստեղծագործական ժառանգությանը, ով իր ուրույն տեղն ունի համաշխարհային երաժշտական գանձարանում: Ցուցասրահներում բացատրությունն ուղեկցվում է երաժշտությամբ: Այցելուները թանգարանում կարող են նաև դիտել ֆիլմեր Ա.Խաչատրյանի մասին և նրա բալետների բեմադրությունների տեսագրություններ: Թանգարանն ունի նաև հարուստ ձայնադարան, որտեղ պահվում են ոչ միայն Ա.Խաչատրյանի ստեղծագործությունները, այլ նաև համաշխարհային դասական և ժամանակակից երաժշտության շուրջ 2500 սկավառակ, որոնք, ի դեպ, տեղում կարելի է նաև ունկնդրել աշխարհահռչակ երաժիշտների կատարմամբ:

Անվճար այցելություն Երևան քարտով

Adress Զարոբյան փող. 3
         0009 Երևան, Հայաստան

Tel +374 10 58-94-18

Www www.akhachaturianmuseum.am

Open Աշխատանքային օրեր
         Երկուշաբթի-Շաբաթ՝ 11:00-16:00

Close Հանգստյան օրեր
         Կիրակի