ԵՐԵՎԱՆ ՔԱՐՏ

Am top ico 790ef1042c6012c41e945fd26466036c5260c07c47f0353b86f1ae8bf8beba96
Ինչ է ներառված / Թանգարաններ Երևանում / ՀԱՅՈՑ ՑԵՂԱՍՊԱՆՈՒԹՅԱՆ ԹԱՆԳԱՐԱՆ-ԻՆՍՏԻՏՈՒՏ

Այն, ինչ 1915թ. կատարվեց Արևմտյան Հայաստանում, միանշանակ ցեղասպանություն էր՝ պետական մակարդակով ծրագրված մի ամբողջ ազգի բնաջնջում։ Հայոց ցեղասպանությունը կամ Մՙեծ Եղեռնը XX դարի առաջին ցեղասպանությունն է։ Այս իրադարձության անհերքելի ու միաժամանակ սահմռկեցուցիչ փաստերը կարող եք տեսնել Հայոց ցեղասպանության թանգարան-ինստիտուտում, որի գլխավոր և հիմնական նպատակն է հավաքագրել, հետազոտել, հրատարակել, պահպանել և հանրությանը ներկայացնել փաստեր` 1915-1923 թվականներին թուրքերի կողմից իրականացված հայոց ցեղասպանության վերաբերյալ:

Թանգարանը կառուցված է Ծիծեռնակաբերդի բարձրունքում վեր խոյացող ցեղասպանության հուշահամալիրից ոչ հեռու: Այն երկհարկանի է: Երկրորդ հարկում գտնվում է ցուցասրահը, իսկ առաջին հարկում` գրադարանը, փաստաթղթերի պահոցը, հանդիպումների դահլիճը և հայոց ցեղասպանության հարցերով զբաղվող գիտահետազոտական կենտրոնը: Մշտական ցուցադրության նմուշների թվում են փաստաթղթեր, լուսանկարներ, նահատակների անձնական իրեր: Թանգարանն ապահովում է էքսկուրսիաներ հայերեն, ռուսերեն, անգլերեն, ֆրանսերեն, գերմաներեն լեզուներով:

Անվճար

Adress Ծիծեռնակաբերդի հուշահամալիր
          Երևան 0028 , Հայաստան

Tel +374 10 39-09-81

Www www.genocide-museum.am

Open Աշխատանքային օրեր
          Երեքշաբթի-կիրակի՝  11:00- 16:30

Close Հանգստյան օրեր
          Երկուշաբթի