Ականավոր քաղաքական գործիչ, Հայաստանի կոմունիստական կուսակցության կենտրոնական կոմիտեի քարտուղար Կարեն Դեմիրճյանի թանգարանում կարող եք տեսնել նրա կյանքին և գործունեությանը վերաբերող մի շարք աշխատանքներ: Թանգարանը հիմնադրվել է Դեմիրճյան մարդու ու հայրենասերի կյանքն ու գործունեությունն ուսումնասիրելու, լուսաբանելու և հիշատակը հավերժացնելու նպատակով: Այն կոչված է նաև նպաստելու հանրապետությունում այն մշակույթի զարգացմանը, որին դավանում էր ու հավատարիմ մնաց Կարեն Դեմիրճյանն իր ամբողջ կյանքի և գործունեության ընթացքում. համազգային միասնություն, ազգային և պետականության գաղափարի ձևավորում և արմատավորում, անմնացորդ նվիրվածություն ժողովրդին, փոխադարձ հարգանք և հանդուրժողականություն՝ հանուն ազգային և պետական շահերի, ինտերնացիոնալ բարեկամություն բոլոր ժողովուրդների նկատմամբ, որոնք ի վերջո բերելու էին քաղաքացիական հասարակության ձևավորմանը:
Թանգարանի ցուցադրական մասը բաղկացած է երկու հարակից, միմյանց հետ հաղորդակցվող սրահներից: Առաջին՝ մեծ սրահի ցուցանմուշները և լուսանկարները ներկայացնոմ են Կ.Դեմիրճյանի կյանքը՝ պատանեկությունից մինչև վերջին տարիները: Երկրորդ սրահն իրենից ներկայացնում է հուշասենյակ՝ կահավորված անձնական կահույքով: Այստեղ տեղադրված գրասեղանի շուրջ Կ.Դեմիրճյանն աշխատել է և′ Հայաստանի կոմունիստական կուսակցության առաջին քարտուղարի պաշտոնում, և′ հետագայում, երբ ընտրվել է նորանկախ Հայաստանի Ազգային Ժողովի նախագահ: Թանգարանն ունի փաստաթղթերի, լուսանկարների (ավելի քան 3000) և տեսագրությունների (100-ից ավելի) հարուստ և խոսուն հավաքածու:
Ղազար Փարպեցու փող. 7
Երևան 0079, Հայաստան
+374-10-531710
www.kdmuseum.am
Աշխատանքային օրեր
Երկուշաբթի-Շաբաթ՝ 10:00- 17:00
Հանգստյան օրեր
Կիրակի
© 2023 Global Colibri ՍՊԸ. Բոլոր իրավունքները պաշտպանված են
