ԱՐԵՆԻ, ՏԱԹԵՎ, ՇԱՔԻԻ ՋՐՎԵԺ, ՔԱՐԱՀՈՒՆՋ

Խմբային էքսկուրսիա՝ Տաթևի վանք և «Տաթևեր» ճոպանուղի, Քարահունջ, Շաքիի ջրվեժ, «Հին Արենի» գինու գործարան (ավանդական ճաշ)

Ինչ է ներառում​
Էքսկուրսավարի ծառայություն՝ ռուսերեն / անգլերեն
Գինու համտես
Հարմարավետ տրանսպորտային միջոցներ
Անվճար Wi-Fi ավտոմեքենաներում
Ջուր
Ավանդական ճաշ

Կանգառ 1: Տաթևի վանք և «Տաթևեր» ճոպանուղի

Տաթևի վանքը միջնադարյան հայկական ճարտարապետության մարգարիտն է: Այն գտնվում է Հայաստանի Սյունիքի մարզի կենտրոնում, որը գտնվում է Երևանից 315 կմ հեռավորության վրա, իսկ Գորիս քաղաքից 30 կմ հեռավորության վրա, Որոտան գետի աջ ափին, համանուն՝ Տաթև գյուղի մոտ: Վանքը կառուցվել է 9-13-րդ դարերում: Այն կառուցվել է Թադևոսի Առաքյալի աշակերտ Սուրբ Եվստաթեոսի պատվին, որը, ինչպես իր ուսուցիչը, քարոզեց քրիստոնեությունը և նահատակվեց նոր հավատի համար: Դեպի Տաթևի վանք կարելի է հասնել «Տաթևեր» ճոպանուղով, որը կառուցվել է Ավստրիա-շվեյցարական Dopplemayer / Garaventa ընկերության ֆինասնավորմամբ՝ «Տաթևի վերածնունդ» ծրագրի շրջանակներում: 9 ամսվա ընթացքում կառուցված ճոպանուղին աշխարհում ամենաերկարն է (5752 մ) և գրանցվել է Գինեսի ռեկորդների գրքում:

Կանգառ 2: Քարահունջ կամ Զորաց քարեր

Քարահունջը կամ Զորաց Քարերը գտնվում են Սյունիքի մարզի Սիսիան քաղաքի մոտակայքում: Այն հանդիսանում է աշխարհի ամենահին մեգալիթյան կոթողային համալիրներից մեկը: Հարավից հյուսիս ձգվող և, միևնույն ժամանակ ճշգրիտ շրջանագաիշ կազմող կարմրավուն խոշոր մոնոլիտների շարքերը տեսանելի են նույնիսկ հեռվից: Կան հավաստի ապացույցներ, որ Քարահունջը կառուցվել է մ.թ.ա. VI հազարամյակում և հանդիսացել աստղադիտարան: Բազմաթիվ կոթողների ներսում արված են անցքեր, որոնք հստակորեն համապատասխանում են այդ դարաշրջանում երկնքում աստղերի դասավորվածությանը: Նմանատիպ կառույցներ են հայտնաբերվել նաև Եվրոպայում: Դրանցից ամենահայտնին մ.թ.ա. 2-րդ հազարամյակին թվագրվող Սթոունհենջն է՝ Անգլիայում:

Կանգառ 3: Շաքիի ջրվեժ

Շաքին համարվում է Հայաստանի ամենագեղատեսիլ ջրվեժներից մեկը: Այն գտնվում է Սյունիքի մարզում, որը հայտնի է իր պատմական և բնական հուշարձաններով: Ջրվեժը ձևավորվում է Շաքի գետի վրա, Որոտանի հոսանքի մեջ՝ հոսելով 18 մետր բարձրությամբ խոր կիրճում: Չնայած փոքր բարձրությանը, ջրվեժի ջրի բարձր ձայնը լսվում է բավականին հեռվից: Շաքիի ջրվեժի հետ կապված նույնիսկ լեգենդ է հյուսվել: Պատմությունը պատմում է գեղեցիկ աղջնակ Շաքեի մասին, որ իրեն ժայռից ցած է նետել՝ հրաժարվելով նվաճողների կամքին ենթարկվելուց: Նրա հագուստի՝ քամուց բացված փեշերը վերածվել են ջրվեժի: Շաքեի պատվին, ջրվեժը կոչվեց Շաքի: Շաքիի ջրվեժի տարածքը բնակեցված է եղել հին քաղաքակրթությունների կողմից, որոնք թողել են ժայռոտ հողերի հետքեր: Ամռանը ճանապարհը դեպի ջրվեժ դառնում է հասանելի, սակայն Դուք ստիպված կլինեք հասնել ջրվեժին նեղլիկ ճանապարհով:

Կանգառ 4: «Հին Արենի» գինու գործարան

Արենին համարվում է գինեգործության ծննդավայրը: Հայաստանում խաղողագործությունը առաջացել է մեր դարաշրջանից շատ տարիներ առաջ: Հայաստանում աճում են վայրի խաղողի և բազմաթիվ տեղական խաղողի տեսակները: Կայցելենք Հայաստանի ամենահին գինեգործարանը, որտեղ կարելի է համտեսել համեղ գինին լավագույն խաղողից: