ԾԱՂԿԱՁՈՐ, ՍԵՎԱՆԱ ԼԻՃ

Խմբային էքսկուրսիա՝ Նավարկություն Սևանում և Ծաղկաձոր

Ինչ է ներառում​
Էքսկուրսավարի ծառայություն՝ ռուսերեն / անգլերեն
Ներառված թանգարանների մուտքերի տոմսեր
Հարմարավետ տրանսպորտային միջոցներ
Անվճար Wi-Fi ավտոմեքենաներում
Ջուր

Կանգառ 1:  Ծաղկաձոր (Կեչառիս, Ճոպանուղի)

Ծաղկաձորը Հայաստանի Կոտայքի մարզի փոքրիկ գեղեցիկ քաղաքներից մեկն է: Այն Հայաստանի լեռնադահուկային հանգստավայրն է: Թարգմանաբար նշանակում է Ծաղիկների կիրճ: Դեռևս 5-րդ դարում հայտի դարձավ տեղի կլիմայի բուժիչ հատկությունների մասին: Իսկ բնությունը այստեղ աննկարագրելի է: Այստեղ Դուք կտեսնեք լեռներ, ձնառատ գագաթներ, գետեր, ժայռեր, ծաղկային գորգով ծածկված գեղատեսիլ հովիտներ, խիտ անտառներ, բուժիչ աղբյուրներ, որոնց թվում են հայտնի Արժաղբյուրը և Թթու ջուրը:  Այստեղ գործում են բազմաթիվ մանկական ճամբարներ, հանգստյան տներ, ինչպես նաև այստեղ է գտնվում երկրի գլխավոր սպորտային համալիրը, որը Ծաղկաձորին բերեց միջազգային համբավ: Ծաղկաձորում Դուք կարող եք օգտվել ճոպանուղուց և հիանալ Սևանի և Արարատ լեռան տեսարանով: Այստեղ է գտնվում նաև 11-րդ դարի Կեչառիսի վանքային համալիրը, որը հիմնվել է Պահլավունի իշխանների կողմից:

Կանգառ 2: Սևանա լիճ 

Բարձրադիր Սևանա լիճը Հայաստանի ‹‹Մարգարիտն›› է: Այն գտնվում է Հայկական լեռնաշխարհի կենտրոնում՝ ծովի մակարդակից 1900 մ  բարձրության վրա: Հայաստանի մայրաքաղաքից՝ Երևանից 63 կիլոմետր հեռավորության վրա գտնվող լիճը Կովկասի ամենամեծ լիճն է: Սևանա լիճը բոլոր կողմերից շրջապատված է լեռներով, իսկ լեռներից արդեն բացվում է լճի հիանալի համայնապատկերը:  Սևանա լճի ջուրը քաղցրահամ է և մաքուր, իսկ լեռնային օդը բարերար ազդեցություն ունի առողջության վրա: Դուք հնարավորություն կունենաք վայելելու Սևանի կապուտակ ջրերը նավով զբոսանքի ժամանակ։

Շրջայցը կավարտվի ձուկ պատրաստելու վարպետության դասով: Փորձառու խոհարարը կուղեկցի ձեզ այս գործընթացում՝ ցույց տալով կատարյալ աղած ձուկ ստեղծելու յուրաքանչյուր քայլ: Դա իսկական հաճույք է ձեր ճաշակի համար և զվարճալի միջոց՝ ավարտելու մեր շրջագայությունը: