Արդեն ավանդական դարձած «Արենի» գինու 9-րդ փառատոնն այս տարի ևս տեղի է ունենալու հոկտեմբեր ամսվա առաջին շաբաթ օրը Վայոց Ձորի Արենի գյուղում: Փառատոնի շրջանակներում Դուք հնարավորություն կունենաք համտեսելու հայկական լավագույն գինեգործական ընկերությունների արտադրանքը, վայելել հայկական անզուգական գինու համը հենց «Արենի» տեսակի խաղողի ծննդավայրում: Միջոցառմանը ներկա են լինելու միջազգային գինեգետներ, ինչպես նաև հայտնի սննդային բլոգերներ Ռուսաստանից: Յուրաքանչյուր տարի գինու փառատոնին մասնակցում են հարյուրավոր զբոսաշրջիկներ՝ իրենց հետ տանելով հայկական գինու նմուշները, անկրկնելի համն ու վառ հիշողությունները: