2018 թվականի հունվարից Հայաստանի ազգային գրադարանի Գրատպության թանգարանը դարձել է Եվրոպական գրատպության թանգարանների ասոցիացիայի անդամ: Միության նպատակն է խրախուսել փորձի, գիտելիքների և ռեսուրսների փոխանակումը գիտության և գրականության բոլոր ոլորտներում: Եվրոպական գրատպության թանգարանների ասոցիացիայի կազմում ներառված թանգարաններում պահպանվում են աշխարհի ամենահին տպագիր գրքերն ու նյութերը:
5 Հետաքրքիր տեղեկություն Գրատպության թանգարանի վերաբերյալ
- Գրատպության թանգարանում է գտնվում հայերեն առաջին տպագիր գիրքը՝ «Ուրբաթագիրքը», որը տպագրվե է 1512թ. Վենետիկում:
- Թանգարանում կարող եք տեսնել նաև առաջին տպագիր Աստվածաշունչը, որը տպագրվել է 1666-1668 թթ. Ամստերդամում:
- Այստեղ կարող եք տեսնել առաջին տպագիր քարտեզը՝ «Համատարած աշխարհացոյցը»՝ տպագրված Ամստերդամում 1695թ.:
- Գրատպության թանգարանում է պահպանվում նաև առաջին տպագիր պարբերականը՝ «Ազդարարը», որը տպագրվել է 1794-1796 թթ. Մադրասում:
- Դուք կարող եք անվճար այցելել Գրատպության թանգարան Երևան Քարտով: