2018 թվականի հոկտեմբերի 6-ին Վայոց Ձորի Արենի գյուղում 10-րդ անգամ կկայանա արդեն ավանդական դարձած Արենի Գինու փառատոնը, որի շրջանակներւմ տեղի կունենա բացման հանդիսավոր արարողություն, գինի արտադրող ընկերությունների արտադրանքի ցուցահանդես-տոնավաճառ, հայկական լավագույն ռեստորանների կողմից ներկայացված ավանդական կերակրատեսակների ցուցահանդես-վաճառք, հասարակական և պրոֆեսիոնալ համտես, ազգային երգ ու պար: Միջոցառման պատվավոր հյուրերն են լինելու միջազգային գինեգետներ, ճանաչված մի շարք ռուսաստանյան սննդային բլոգերներ (Food bloggers): Սպասվում է զբոսաշրջիկների մեծ հոսք Ռուսաստանից, Իրանից, Գերմանիայից, Իսպանիայից, Իտալիայից, Ֆրանսիայից և այլ երկրներից:
© 2023 Global Colibri ՍՊԸ. Բոլոր իրավունքները պաշտպանված են
