2018 թվականի նոյեմբերի 28-ին Գերմանիայի հանրահռչակ Konzerthaus Berlin (Կոնցերտհաուս Բեռլին) համերգասրահում կայացել է Հայաստանի ազգային ֆիլհարմոնիկ նվագախմբի համերգը՝ նվիրված հայ մեծանուն կոմպոզիտոր, երգահան Արամ Խաչատրյանի 115-ամյակին: Գերմանիայի Դաշնային Հանրապետություն կատարած պաշտոնական այցի ընթացքում համերգին ներկա են գտնվել նաև Հայաստանի Հանրապետության նախագահ Արմեն Սարգսյանը՝ տիկնոջ՝ Նունե Սարգսյանի հետ:
Համերգն անցկացվել է Հայաստանի ազգային ֆիլհարմոնիկ նվագախմբի գեղարվեստական ղեկավար և դիրիժոր Էդուարդ Թոփչյանի ղեկավարությամբ և համաշխարհային ճանաչում ունեցող հայազգի ջութակահար Սերգեյ Խաչատրյանի մասնակցությամբ: