ԵՐԵՎԱՆ ՔԱՐՏ

Am top ico 790ef1042c6012c41e945fd26466036c5260c07c47f0353b86f1ae8bf8beba96
Նորություններ / ԳՐԻԲՈՅԵԴՈՎԻ ԿԻՍԱՆԴՐՈՒ ԲԱՑՈՒՄԸ

2019 թվականի հունվարի 30-ին Երևանում՝ Հայ-ռուսական (Սլավոնական) պետական ​​համալսարանի Գոհաբանության այգում տեղի ունեցավ ռուս բանաստեղծ, դիվանագետ և դրամատուրգ Ալեքսանդր Սերգեյևիչ Գրիբոյեդովի կիսանդրու բացման հանդիսավոր արարողությունը, որը նվիրված էր նրա մահվան 190-ամյակին:

Քանդակի հեղինակը աշխարհահռչակ քանդակագործ Գրիգորի Պոտոցկին է, որի գործերը տեղադրված են ամբողջ աշխարհում: Կիսանդրին որպես նվեր ստացվել է «Ստրատեգիա» հիմնադրամի կողմից, որն իրականացնում է բազմաթիվ մշակութային, մարդասիրական ու կրթական ծրագրեր՝ ուղղված ռուս-հայկական հումանիտար համագործակցության աջակցմանը և զարգացմանը: Ծրագրի հովանավորն է հայտնի գիտնական, գործարար և հասարակական գործիչ Մեցո Իգիթյանը։  

Արարողությանը ներկա էին Հայ-ռուսական սլավոնական համալսարանի ռեկտոր Արմեն Դարբինյանը, ՌԴ արտաքին գործերի նախարարի տեղակալ Գրիգորի Կարասինը, Հայաստանում Ռուսաստանի Դաշնության արտակարգ և լիազոր դեսպան Սերգեյ Կապիրկինը, ՀՀ ԱԳՆ ղեկավարությունը, ինչպես նաև համալսարանի պրոֆեսորա-դասախոսական անձնակազմի ներկայացուցիչները և այլոք:

Երևանի Հայ-ռուսական սլավոնական համալսարանի տարածքում՝ երկու երկրների քաղաքական ղեկավարության և մտավոր համայնքի ներկայացուցիչների մասնակցությամբ Գրիբոյեդովի կիսանդրու տեղադրումը հիանալի իրադարձություն էր, որը ևս մեկ անգամ հաստատեց Հայաստանի և Ռուսաստանի միջև եղբայրական հարաբերությունները:

Հայ-ռուսական համալսարանի Մշակույթի տանն անցկացվող միջոցառման շրջանակներում համալսարանի թատրոնը բեմադրել է Ա.Ս. Գրիբոյեդովի <Խելքից պատուհասը> կատակերգությունից մի դրվագ, անցկացվել է նաև մեծն պոետին նվիրված կլոր սեղան և դասական երաժշտության համերգ:

Հանդիսավոր միջոցառման ավարտին քանդակագործ Պոտոցկուն հանձնվեց Հայաստանի նկարիչների միության անդամի վկայական և շնորհակալագիր:

Գնել քարտը առցանց

ՉԱՓԱՀԱՍՆԵՐ USD

1 օր / 24 ժամ -
29 USD
2 օր / 48 ժամ -
37 USD
3 օր / 72 ժամ -
44 USD
Անժամկետ -
51 USD