Երևանի կենդանաբանական այգին միտված է հայկական կենդանական գենոֆոնդի պահպանմանը, անազատ պայմաններում հազվագյուտ և ոչնչացող տեսակների բազմացմանը, տարբեր մեթոդների ուսումնասիրմանը, հիվանդությունների կանխարգելմանը, ինչպես նաև բնապահպանական գիտելիքների տարածմանը։ Երևանի կենդանաբանական այգու վանդակներում կամ ցանկապատված տարածքներում պահվում են կենդանիների և թռչունների շուրջ 183 տեսակ, որից 34-ը գրանցված է Բնության պահպանության միջազգային Կարմիր գրքում, իսկ 50-ը՝ ՀՀ Կարմիր գրքում։
Երևանի կենդանաբանական այգու թռչունների ցանկում ներառված են քարարծիվ, ոսկեգույն փասիան, սպիտակ սիրամարգ և այլն: Կաթնասուններից Դուք կարող եք տեսնել կատվային լեմուր, հովազ, հայկական մուֆլոն, գորշ գայլ և այլն, իսկ սողուններից՝ հայկական իժ, կոբրա, կրիաներ, կոկորդիլոս և այլն: Կենդանաբանական այգու ամբողջ տարածքում նաև գործում է անվճար Wifi ցանց, իսկ ճաղավանդակներին տեղադրվել են տեսախցիկներ ու QR code հնարավորությամբ տեղեկատվական վահանակներ:
Երևան Քարտով Դուք կարող եք անվճար այցելել Երևանի կենդանաբանական այգի։
Մյասնիկյան պող. 20
Երևան 0025, Հայաստան
+374 10 56-23-62
Աշխատանքային օրեր
Երեքշաբթի-Կիրակի՝ 10:00-17:00
Երկուշաբթի՝ 11:00-17:00
© 2023 Global Colibri ՍՊԸ. Բոլոր իրավունքները պաշտպանված են
