Արթիկ քաղաքի կենտրոնական հատվածում գտնվող նախկին երիտասարդական պալատի շենքում ընթացող շինարարական աշխատանքների ընթացքում շինարարները քանդել են պատը և հայտնաբերել մի հսկայական որմնանկար՝ վառ ու պայծառ գույներով ու այնպիսի թարմությամբ, կարծես հենց նոր է նկարիչն ավարտել աշխատանքը: Որմնանկարում գյումրեցու հագուկապով երաժիշտները նվագում են, տարազներով աղջիկներն ու տղաներն էլ՝ պարում: Առայժմ պարզ չէ, թե ով է որմնանկարի հեղինակը և երբ է այն ստեղծվել, բայց նկարի պահպանված տեսքը վկայում է նկարչի բարձր վարպետության ու ներկերի բարձրորակության մասին: